Tusagassiortutut, assiliisutut allatulluunniit tusagassiivimmut sinniisutut ArcticExpomut akuersissummik pissarsiniarsinnaavutit nittarsaassinermut isissutissamik akeqanngitsumik pissarsillutit.
Mailimik nassiussigit tusagassiiviup aqqa ilanngullugu uunga Anita Oien anoi@akkc.dk.
Illit ArcticExpomi peqataaninni pisiniartartunnut piusunut nutaanullu aamma alakkaasunut maluginiarneqarnissannut immikkut ittumik periarfissaqarputit – nittarsaassinerup aallartinnera sioqqullugu.
Saqqummilaarnermut, soqutiginnilersitsinermut illillu ilisarnaativit suliassaqarfimmi nukittorsarnissaanut inuit attaveqaqatigiittarfii aqqutissaapput pitsassuit. Taamaattumik ilissi attaveqaatissinni ArcticExpomi peqataanissarsi oqaluttuarilluarsinnaavarsi aamma #ArcticExpo atortarisiuk.
Illit peqataanissat allanut oqaatigisariaqarpat, pissutigalugu:
Anguniakkatit siammakkit
Pisiniartartut, suleqatit aamma suleqatigiumaarsinnaasavit ArcticExpomi peqataasussaanerit paasilissuk. Amerlanerit ilisimappassuk saqqummersitsiviit amerlanernit orninneqassaaq!
Alapernaannermik pilersitsigit
Nittarsaassinermi saqqummiussassatut pilersaarutitit pillugit tunisassiat nutaanit nuisitsininnguanik, aaqqiissutinik nutaaliaasunik imaluunniit immikkut sammisanik saqqummiussisarit.
Nittarsaassineq sioqqullugu, nalaani kingornalu attaveqarfinnik pilersitsigit
Attavitit peqataatikkit illit saqqummersitsivinnut ilinnut orniguteqqullugit aggersarlugit. Nittarsaassinerup kingorna pingaaruteqarnerpaat imaluunniit misilittakkat pingaarutillit atorlugit malitseqartitsigit.
ArcticExpomi peqataanerit iluatsilluartunngortiguk – inuit attaveqatigiittarfiini oqaloqateqarnerit ullumimiit aallartiguk!
Avataanit suleqatigisarput peqatigalugu ArcticExpomik nittarsaassinermi atugassianik suliaqarpugut, taanna atorlugu nittarsaassineq pillugu sukkasuumik ajornanngitsumillu paasissutissinneqassaatit.
