ArcticExpomi illit saqqummersitsisutut suliffeqarfiutit tunisassiatillu nunatsinni tuniniaanermut saqqummiussinnaavatit. Nittarsaassinermi pisiniartartussannik aamma maannamut pisiniartunnik naapitsisinnaavutit, taamaaliorlutillu attaveqatigiinnermik ataavartumik pilersitsillutit. Ilissi nittarsaassinermi peqataanersi periarfissatsialaavoq immissinnut toqqarlusi isigalugit naapinnissassinnut.

Illit suliffeqarfiutit imaluunniit kattuffiit imarsiornermik suliassaqarfimmut immikkut sammisumik tunisassiaateqarpat sullissisuuppalluunniit soorlu umiarsuaatilinnut, aquttunut, aalisartunut, piniartunut allanulluunniit, taava ArcticExpo tassaavoq sullitassanik eqqortunik naapitsiffissaq, nunap immikkoortuani sineriammi Sisimiunit kujammut Kalaallit Nunaata Kitaa Kujataalu eqqarsaatigalugit.

ArcticExpomi saqqummersitsisutut periarfissinneqassaatit:

• Tunisassianik kiffartuussinernillu nutaajunerpaanik sullitassanut naapertuuttunut saqqummersitsissallutit.
• Niuernermi attavissanik nutaanik pilersitsineq aamma pisiniartartunik piusunik isumassuineq.
• Isumasioqatigiinnerni oqalugiarnernilu peqataaneq, imarsiornermik inuussutissarsiornerup iluani ilisimasanik nutaanerpaanik pissarsiumalluni, annermik aalisarnermut tunngasunik.
• Saqqummersitsisunik sammisallu iluanni sulialinnik aaqqissuussaanngitsumik attaveqaqatigiinneq.
• Ilinnik suli ersarinnerulersitsineq nittarsaassinerlu pilerisaarinertut pitsaasutut atornera illillu tunisassiaatinnik kiffartuussisinnaaninnillu saqqumilaarneq.