Close

Inummut paasissutissat pillugit inatsimmik atuutsitsineq

Scroll down

Inunnut paasissutissat pillugit isumaginninneq

ArcticExpomik ingerlatsinermut atasumik nioqquteqarnermi, nittarsaassinermi, pilersaarusiornermi, ataqatigiissaarinermi aamma ingerlatsinermut atasumik Aalborg Kongres & Kultur Centerimi inunnut paasissutissat nalunaarsorpavut suliaralugillu.

Tulliuttuni ilisimatitsissutigissavarput sooq paasissutissat taakkua nalunaarsornerivut, paasissutissat suut nalunaarsornerivut aamma paasissutissat suut ingerlateqqittarnerivut avitseqatigiissutigalugillu kiisalu paasissutissat suut suliarisarnerivut. Ilanngullugu isumannaallisaanermut aaqqissuussanik sorlernik aalajangersaanerluta paasissutissiissaagut.

Sooq inunnut paasissutissat nalunaarsorpavut?

– Saqqummersitsisut alakkaasullu pitsaanerpaamik sullikkusullugit

– Inatsimmik atuuttumik eqquutitserusulluta, ass. Danmarkimi naatsorsuuserinermut inatsit

– Paasissutissat isumannaallisaaffigineqarnerannik unioqqutitsineq pinngitsoortinniarlugu uagullu nittartakkatsinnik ajoqusersuutaasumik atuisoqarsinnaanera pinngitsoortinniarlugu

Atuagassat amerlisikkit Atuagassat ikilisikkit

Paasissutissat sorliit nalunaarsorpavut, toqqortaatigaavut aamma suliaraavut?

Tuniniaaneq pilerisaarinerlu
– Nutaarsiassatut allakkianut ilanngunnermi attaveqarfissat paasissutissartaat
– Saqqummersitsivimmik ininullu apeqquteqaatit pillugit attaveqarfissat paasissutissartaat
– Isissutissanik pisinermi saqqummersitsivinnillu inniminniinermi attaveqarfissat paasissutissartaat

Qulaani paasissutissat taaneqartut tamaasa inuit pineqartut akuersiseqqaarlugit toqqortarissavagut suliaralugillu.  Imminut pilluni paasissutissat qaqugukkulluunniit nungusartinneqarsinnaapput.

ArcticExpomik pilersaarusiorneq, ataqatigiissaarineq aamma ingerlatsineq
– Inuit attaveqarfiit pillugit paasissutissat (ass. ateq, mail aamma oqarasuaatip normua)
– Inummut paasissutissat mianernarsinnaasut (ass. nerisassanik sapigaqarneq paasissutissallu allat peqqissutsimut tunngasut)

Inummut paasissutissat nalinginnaasut soorlu ateq, mail aamma oqarasuaatip normua sivisunerpaamik ukiut 5 qaangiunneranni nungusarneqartarput. Inummut paasissutissat mianernarsinnaasut saqqummersitsinerup kingorna nungusarneqassapput aamma sulisunut suliaminnut atasumik paasissutissamik ilisimasaqarnissaminnut pisariaqartitsisunuinnaq pissarsiarineqarsinnaapput.

Nittartakkamik ingerlatsineq
– Uagut nittartakkatsinnik ingerlatsinermut atasumik paasissutissat atuisunit pilersinneqartut.

Paasissutissat atuisunit pilersinneqartut nittartagarput naleqqussarniarlugu atortarpavut, taamaalilluni pitsaanerpaamik atuuffeqarsinnaaqqullugu aamma alakkaasutsinnut isumannaatsooqqullugu. Paasissutissat amerlanerit pillugit cookie pillugit politikkerput innersuussutigaarput taanna uaniippoq.

Assiliinermut- videoliornermullu politikki
Uagut ArcticExpomik ingerlatsineq assinik videoliallu atorlugit uppernarsarparput taakkualu toqqortaatigalugit. Tamanna isumaqarpoq illit alakkaasutut imaluunniit saqqummersitsisutut atortussatut suliarineqartuni assitigut ilanngunneqarsinnaasutit. Uani annermik atuagassaqarpoq

Atuagassat amerlisikkit Atuagassat ikilisikkit

Isumannaallisaaneq aamma ingerlatitseqqiineq

Paasissutissanik ingerlatitseqqiineq

Inummut paasissutissat pingajuusumi suliarineqarpata imaluunniit uninngatinneqarpata Aalborg Kongres & Kultur Center taakkununnga paasissutissat passunneqarnissaannik isumaqatigiissuteqarsimassaaq aamma/imaluunniit pingajuusup inummut paasissutissat- aamma IT-mik isumannaallisaanermut politikkiannik pissarsiniarsimassaaq.

Pingajuusumit paasissutissat siunertanut AKKC-p ilitsersuutigisaannit allaasunit atussanngilai. Pingajuusumit isumannaallisaaneq qaffasissoq isumannaarneqassaaq kiisalu AKKC ingerlaannartumik ilisimatissavaa IT-mik isumannaallisaaneq ajoquserneqassagaluarpat.

Siunnerfilimmik ussassaarinermut atasumik ass. Facebookimi ussassaarutinik aamma/imaluunniit assingusuni pingajuusumut soorlu Facebookimut aamma Googlemut paasissutissanik tunniusseqqissaagut, nittartakkatsinnut alakkaasut cookiesit akuerisimappatigit. Cookiesit pillugit politikkerput uani takuuk.

Saqqummersitsivimmi apeqquteqarnermi inuit namminneerlutik paasissutissat uagutsinnit nalunaarsorneqartussatut kissaatigisatik ilisimatitsissutigissavaat, saniatigut inummut paasissutissat pillugit uagut politikkitsinnik akuersiutigalutik. Illit pillutit paasissutissat uagutsinnit allanut ingerlateqqissinnaasatut akuerisimasatit taamaallaat ingerlateqqittarpagut.

Paasissutissat isumannaatsumi toqqortarineqarnerat

AKKC-mi sulisut tamarmik ilisimatinneqarput inummut paasissutissat pillugit passussinermut malittarisassat pillugit aamma AKKC-mi IT-mik paasissutissanillu isumannaallisaaneq pillugu politikkimik malinninnissaq.

AKKC-mi teknikkikkut aaqqissuussaanikkullu aaqqiissutinik atuutsitsivugut, tassa inummut paasissutissat pillugit inatsimmik naammassinninnissamut qulakkeerinnissutaasussatut pisariaqarsorisavut. Taakkua ilaatigut nassataraat inummut paasissutissanut tunngasut pillugit pissarsisinnaasut kikkuunerat killilerneqarnerat. Tamanna aamma isumaqarpoq, inummut paasissutissat taamaallaat nalunaarsorneqartassasut passunneqarlutillu sulisunit taakkuninnga suliaqartussatut naapertuuttunit. Inummut paasissutissat sivisunerpaamik ukiuni tallimani toqqortaatigineqartarput, inuit pillugit paasissutissat mianernarsinnaasut atorneqareeraangamik nungusarneqartarput.  Isumannaallisaanermik aaqqissuussavut nalilersortuarpavut naleqqussartuarlugillu.

Akisussaasuunermik atorunnaarsitsineq

Aalborg Kongres & Kultur Center pisussaatitaapput nittartakkamik matuminnga nutarteriuassallutik aamma imarisaata eqqortuussusianut. Naatsorsuutiginngisatsinnik eqqunngitsunik imaluunniit nutarterneqarsimanngitsunik naammattuugaqassagaluaruit, ilisimatissinnaagutsigut qujassutigissaqaarput. Akisussaasuunermik atorunnaarsitsineq pillugit uani paasisaqarnerugit.

Atuagassat amerlisikkit Atuagassat ikilisikkit
Aaqqissuussisut

Aaqqissuussisut
Aalborg Kongres
& Kultur Center
Europa Plads 4
9000 Aalborg
www.akkc.dk

Attavigineqarsinnaasoq
info@akkc.dk
Oqa. +45 9935 5555
Ataas. – sisa.: nal. 9-15.30
Tall.: nal. 9-15

Inummut paasissutissat pillugit inatsimmik atuutsitsineq

Saqqummersitsivik

Inussivik
Kissarneqqortuunnguaq 19
3900 Nuuk, Kalaallit Nunaat

Billeti pisiariuk