saqqummer
sitsisunut piumasaqaatit

Nittarsaassineq sapaatip-akunnerit arfineq-pingasut miss. sioqqullugu isumaqatigiissutip aningaasartaasa tamarmiusut katinnerat akiligassanngorlugu e-mailikkut nassiunneqassaaq. Akiligassap aningaasartai ullut qulit qaangiutsinnagit akilerneqassaaq.

Isumaqatigiissummik atorunnaarsitsineq saqqummersitsisup tamakkiisumik imaluunniit ilaannakortumik akiliuteqarnissaanut atorunnaarsitsinerunngilaq piumasaqaataasut naapertorlugit

Kingusinaarluni akiliinermi akitsuusiisoqassaaq. AKKC-mut inniminniiffissamut ulluliussap kingorna inniminniinerit nittarsaassinerup kingorna akiligassiissutigineqassapput.

Saqqummersitsisoq isumaqatigiissummit atorunnaarsitsisinnaavoq piumasaqaatit tulliuttut tunngavigalugit

• Nittarsaassineq qaammatit arfinillit sioqqullugit:  Isumaqatigiissummut akiliutip 25 %-a akiliutigineqassaaq.
• Nittarsaassineq qaammatit pingasut sioqqullugit:  Isumaqatigiissummut akiliutip 50 %-a akiliutigineqassaaq.
• Nittarsaassineq qaammatinit pingasut ikinnerusunik sioqqullugu: Isumaqatigiissummut akiliutip 100 %-a akiliutigineqassaaq.

Aaqqissuussisoq pisinnaatippoq saqqummersitsiviup allamut tuniniarneqarsinnaaneranut. Pisuni tamani nalunaarsornermi akiliut utertinneqarsinnaanngilaq.

Saqqummersitsiviup inissisimanera saqqummersitsisumit aaqqissuussisumiillu isumaqatigiissutigineqassaaq, aamma ajornanngippat immikkut kissaatit eqqarsaatigineqarsinnaapput.

Aaqqissuussisoq pisinnaatippoq inississimaffittut isumaqatigiissutaasumik allanngortitsisinnaanerminut aamma annertussutsimik isumaqatigiissutaasumik killiliisinnaanerminut.

Taamaattoq killiliinerit ingerlanneqarsinnaapput saqqummersitsivimmik attartornermut akiliutip annikillisinneqarneratigut, kisianni aaqqissuussisoq taarsiissuteqarsinnaasutut akisussaatinneqarsinnaanngilaq.

Saqqummersitsisup isumaqatigiissutitut atsiugaanik tigusaqarnerup kingorna ullut 30-t iluanni, aaqqissuussisoq pisinnaatitaavoq tunngavilersuigani aamma taarsiissuteqarnissamut akisussaaffittaqanngitsumik attartornermik isumaqatigiissummik atorunnaarsitsisinnaasutut, saqqummersitsivimmik attartornermut akiliummik utertitsinikkut.

Tunisassiat saqqummersinneqartut aamma atortut tamarmik allallu inissaminniissapput aamma saqqummersitsinerup ammarnissaa akunnermik ataatsimik sioqqullugu saqqummersitsivik iluarsaanneqarsimassaaq.

Saqqummersitsivimmi aaqqissuussat suulluunniit saqqummersitsisup saqqummersitsivianiittut peerneqassanngillat nittarsaassinerup naammassineqarnera sioqqullugu.

Saqqummersitsisup saqqummersitsivimmik aaqqissuussinera aamma tunisassianik atortunillu piiaaneq tamarmi, saqqummersitsisup piumasaqarneratigut ingerlanneqassapput.

Aaqqissuussisoq pisinnaatippoq, saqqummersitsisup akiligaanik aamma annaasaqaatigisinnaasaanik tunisassianik atortunillu allanillu tamanik piiaassalluni, saqqummersitsinermut najoqqutassiami saqqummersitsivimmik sananermut isaterinermullu piffissaliussat naapertorlugit peerneqarsimanngitsunik.

Saqqummersitsisut allat eqqarsaatigalugit saqqummersitsivik annerpaamik 250 cm.-inik portussuseqarsinnaavoq.

Portussusissaq qaangerneqarusuppat, taamaallaat taamaaliortoqarsinnaavoq aaqqissuussisoq isumasioqatigalugu aamma saqqummersitsivimmik attartornerup akia qaffassinnaavoq.

Saqqummersitsisoq saqqummersitsivimmi tunisassiat suunerisa ilisimatitsissutiginissaanut pisussaaffik.

Saqqummersitsisup aallaqqaammut tunisassiat saqqummersitassatut nalunaarutigisaminik allaanerusunik saqqummersitsissappat, aamma taamaattumik suliassaqarfiit agguataarneqarnerannut tulluartuunngitsumik inissisimaffeqalerluni assingusumilluunniit, aaqqissuussisoq pisinnaatitaavoq siumut ilimasaareqqaarani saqqummersitsisumik itigartitsissalluni aappaatulluunniit allamut inissiissalluni.

Saqqummersitsivimmik innersuunneqartumik allanut atukkiineq imaluunniit attartortitsineq akuersaarneqarsinnaanngilluinnarpoq.  Saqqummersitsisup suliffeqarfiit saqqummersitsisutut nalunaarutigineqarsimanngitsut ataatsimilluunniit saqqumilaartissanngilai.

Nittarsaassinermi aamma saqqummersitsinerni tuniniaaneq pillugu Erhvervs- og Selskabsstyrelsenip malittarisassai naapertorlugit, niuertup atuisunut nioqquteqarnermini akigititai atorlugit nioqqutinik inniminniinernik tigusisinnaaneq, kiisalu nioqqutissanik saqqummersinneqartunik toqqaannartumik nioqquteqarsinnaaneq inerteqqutaanngilaq.   Malittarisassat Næringslovens §2-mi  atuarneqarsinnaapput.

Nittarsaassinermi sammisat, taakkununnga ilanngullugit quppersakkanik agguaassinerit il.il. saqqummersitsivimmi taassumalu silataani ingerlanneqassapput.

Saqqummersitsisoq malittarisassanik taakkuninnga unioqqutitsissappat ajornerpaamik saqqummersitsinermit anisitaavinnermik kinguneqarsinnaavoq.

Saqqummersitsisoq taarsiisussaatitaavoq taassuma sulisuisa imaluunniit atortuutaasa ajoqusiinerannut sumulluunniit pisuusimassappata, nittarsaassinermi illumi atukkami init aamma pequtit, taakkununnga ilanngullugit natit, iikkat, assiliat allagartallit, soqqaat il.il., kigarneqaqqusaanngitsut, qalipanneqaqqusaanngitsut, aserorneqaqqusaanngitsut imaluunniit atortunik nipittartunik atuiffigineqaqqusaanngitsut akornuteqalersimasinnaanerat pillugit. Suut tigussaasut natermik aseruisinnaasut illersuummik allequtserneqassapput.

Saqqummersitsisup aserugaq aaqqissuussisunut nalunaarutigissavaa aamma nammineerluni aserukkamik iluarsaasseriaraluassanngilaq.

Aaqqissuussisoq kisimiilluni aserukkanut akisussaatippoq, aaqqissuussisup aalajangersimasumik sulisuinit kukkuneq imaluunniit ilaginnaaneq pissutigalugu aserorneqartunut.  Nioqqutissat pinnersaatillu saqqummersinneqartut tamarmik saqqummersitsisumit namminermit aarlerinaataasinnaasut ilanngullugit akisussaaffigineqarput.

Saqqummersitsisup nammineq soqutigisarissavaa sillimmasiinerit pisariaqartut tamaasa suliarisimassallugit.

Aaqqissuussisoq inuit ajoqusernerinut sunulluunniit, nioqqutit aamma atortut saqqummersinneqartunut aserornerinut assigisaannullu  pisuutinneqarsinnaanngilaq, taakkununnga ilanngullugit saqqummersitsisup annaasarisinnaasaanut sarfap qamittoorneranit imaluunniit imaarunnermit pissuteqartunit, ledningit aseruuttoornerinit, immattoornermit imaluunniit pinngortitap piliaanit ajunaarnersuarnit il.il.

AKKC saqqummersitsisumit akisussaatinneqarsinnaanngilaq AKKC-p pisussaaffiisa eqquutsinneqannginnerannut imaluunniit kinguaattoornerannut, pisumit siumut naatsorsuutigineqarsinnaanngitsunik pisoqartumik tunngaveqarsimappata.

Naatsorsuutiginngisamik pisunik nalaanneqarsinnaanermut ilaapput taakkuinnaagatilli nappaatit tunillaassuuttut, nunarsuaq tamakkerlugu tunillaassuuttunik nappaateqarneq, perluutit, pinngortitami ajunaarnersuit, sorsunneq, nunami innuttaasut sorsuunnerat, pilersuinermik ingerlatsivinnit aserortut, pinerliniarneq, suliumajunnaarnerit, suleqqusiunnaarnerit, imaluunniit naalagaaffiit malittarisassaannik najoqqutassaannilluunniit malittarinninnernik pissuteqartut.

Naatsorsuutiginngisamik pisunik nalaanneqarsinnaanikkut AKKC pisinnaatitaavoq nittarsaassineq ukiumik ataatsimik qaammammillu ataatsimik kinguartitsisinnaanerminut. Nittarsaassineq piffissap nittarsaassiffiusussap kingorna ukiumik ataatsimik qaammammillu ataatsimik kinguartinneqarsimappat, saqqummersitsisoq isumaqatigiissuteqarnermi akiliummik utertitsiniaalluni akiliuteqaqqusisinnaanngilaq, tamanna kissaatigineqarsimassagaluarpat.

Nittarsaassineq ukiumik ataatsimik qaammammillu ataatsimik kinguartillugu pisinnaanngippat, saqqummersitsisoq isumaqatigiissuteqarnermi akiliummik utertitsisinnaavoq.

AKKC-p inummut paasissutissat pillugit inatsimmik nalinginnaasumik atuutsitsinera atuuppoq.

Uagut nittarsaassinernik aaqqissuisarnitsinnut atasumik suliffeqarfiit  kiisalu attaveqarfiit pillugit paasissutissanik tunniusseqqittarpugut (ateq, mail aamma oqarasuaat) pingajuusunut, taakkua nittarsaassinermi sullissinernut pisiniartarfiupput: Blue Water Shipping aamma FiskerForum.

Uagut pisiniartarfivut ilisimatippavut inuit pillugit paasissutissat nungusarneqartartut nittarsaassinerup kingorna.

Inuit paasissutissartaat pillugit pisiniartarfitsinnit qanoq passunneqartarnerat pillugu paasissutissanik amerlanernik pissarsiniaraanni, inuit namminerisamik inuunerat pillugu politikki/paasissutissat pillugit politikki innersuussutigaarput.