Saqqummersitsivik aalajangersimasumik ilusilersugaq tamanik imalik

• Natersuaq tungujortoq
• Tunummut + saqqummersitsisunut saniliusunut iigaq/iikkat
• Allagartarsuarnut assiliaq/t suliffeqarfiup ataatsip* aqqa sanimut ammasunut tamanut
• Sarfamut ikkussiviit 3, 230V/2kW
• Wifi

*) Suliffeqarfiup atia isumaqatigiissummi taaneqartoq atussavarput, allamik isumaqatigiissuteqartoqarsimanngippat.

Saniatigut kiffartuussinerit

Peqataanissat uppernarsarukku linkimik nassinneqassaatit sarfap qulliillu ilassutissaannut, naqiterinermut, pequtinut allarpassuarnullu pisinnaasavit ilassutissaannut inniminniiffissalimmik.

Inniminniinermut ulluliussaq kingulleq marsip 17-iat 2026 (kingorna akit qaavisigut ilassutit 30 %).

Saqqummersitsiviup sananeqarneranut apeqqutit:

Pia Germann, +45 9935 5514, pgk@akkc.dk

Nerisaqartitsineq

Nerisaqartitsinermi neqeroorutit assigiinngitsuupput, ilaatigut ullormi igaatut sassaalliutit, iffiat qallersuutillit, kaffi aamma kaagi. Uani imeruersaatinik aamma inniminniisoqarsinnaavoq kaffekande saqqummersitsivimmut nassarneqartussaq ilanngullugu.

Akiligassanik inniminniisoqarsinnaavoq nittarsaassinerup kingorna akilerneqartumik.

Saqqummersitsisut nerersuarnerat

Saqqummersitsisut nerersuarnerat pissaaq maajip arferngani Hotel Hans Egedemi.

Peqataanissat inniminnerukku isissutissamut inniminniiffissaq linki nassiunneqassaaq.

Blue Water Shipping A/S tassaavoq nittarsaassinermut pisortatigoortumik assartuisoq

Nassiussat najukkat tulliuttut arlaannut tunniunneqassapput:

Danmark
Blue Water Shipping
Oceanvej 11
DK-8000 Aarhus
Inn.: ArcticExpo 2026

Tunniussivissaq kingulleq 1. apriili 2026

Saaffissaq: René Birk Jørgensen, +45 7913 4792, rbjo@bws.dk / Jakob Smedemark, +45 7913 4775, jaks@bws.dk

Kalaallit Nunaat

Blue Water Shipping
Qeqertanut 2
GL-3905 Nuussuaq
Inn.: ArcticExpo2026

Saaffissaq: Nikolaj Høst, +299 539353, nihs@bws.dk

Saqqummersitsisut isissutissaat

Nittarsaassinerup nalaani sulisunut saqqummersitsivimmiittunut. Iserternermi piiaanermilu saqqummersitsisut isissutissaminnik takutitsisassanngillat.

Peqataanissat uppernarsarukku saqqummersitsisutut isissutissannut linkimik inniminniiffissamik nassinneqassaatit. Immersugassaq immersorneqassaaq peqataaniarlunilu nalunaarut naqiterneqassaaq imaluunniit mobilimiitinneqassaaq.

Saqqummersitsinermi isissutissaq paarlersuarmi aaqqissuussisut allaffianni sapaat oktobarip sisamaat aallarnerfigalugu naqiterneqarsinnaavoq. Taamaaliortoqassaaq peqataaniarluni nalunaarutip QR kodia scannerlugu

Saqqummersitsiviit ataatsit tamarmik amerlanerpaamik saqqummersitsisut isissutissaannik qulinik inniminniisinnaapput.

Peqataanissat uppernarsarukku saqqummersitsisutut isissutissannut linkimik inniminniiffissamik nassinneqassaatit.

Qaaqqusaqarneq

Pisiniartartutit qaaqqusinissaannut periarfissaqarputit ulluni 3-ni isissutissaq akeqanngitsoq atorlugu.

Pisiniartartutit 50-it pallillugit amerlassusillit akeqanngitsumik qaaqqusinnaavatit. Pisiniartartutit 50-init amerlanerit qaaqqunissai kissaatigigukku, taava sinnerisa ullormut isissutissaat taamaallaat 50 kr.-nillit akiligassiissutigineqassapput.

Sullitap immersugassaq immersussavaa peqataanissamullu nalunaarneq naqiterneqassaaq imaluunniit mobilimi nassarneqarluni. Kinaassutsimut allagartaq nittarsaassivimmut apuunnermi naqiterneqassaaq.  Taamaaliortoqassaaq peqataaniarluni nalunaarutip QR kodia scannerlugu

Qaaqqusinerni kode tassaavoq illit saqqummersitsivippit normua, ass. saqqummersitsivik A100, taava A100 naqitissavat. Eqqaamallugu pisiniartartunnut taanna ilisimatitsissutigissagakku linki atorlugu qaaqqusissummik nassiussileruit.

Peqataanissat uppernarsarukku qaaqqusinissannut linkimik inniminniiffissamik nassinneqassaatit.

Pilersaarusiorneq oqinneruleqqullugu Hotel Hans Egede aamma HHE Expressimi ineeqqanik siumungaaq inniminneereerpugut.

Peqataanissat uppernarsarukku hotelimi inissamut inniminniiffissamik linkimik inniminniiffissamik nassinneqassaatit.

Nittarsaassinermut atasumik atuagassiami tamanut saqqummiussami ussassaarineq

Atuagassiami tamanut saqqummiussami aamma nittarsaassinerup nalaani isertunut akeqanngitsumik agguaanneqartumi nittartakkakkullu saqqummiunneqartumi ussassaariffissatut inissamik pissarsigit.

Piffissaq killigitinneqartoq: Pingasunngorneq 8. apriili 2026

Nittarsaassinermi peqataanissat uppernarsarukku ussassaarummik inniminniiffissamik linkimik nassinneqassaatit.

Illit nammineq suliffeqarfiutit nittarsaaguk

Peqataaninnut atasumik illit suliffeqarfiutit qanoq nittarsaassinnaanerlugu annermik ilisimasaqalerit.

Ataasinngorneq marsip 16-iat 2026

Saqqummersitsivimmik inniminniineq

Pingasunngorneq 1. apriili 2026

Aarhusimit assartuussassanik inniminniineq, Danmark (Blue Water Shipping A/S)

Pingasunngorneq 8. apriili 2026

Nittarsaassinermi Atuagassiami ussassaarineq

Iserterneq
Sapaat 3/5 nal. 12-17.

Ataasinngorneq 4/5 nal. 08-18

Piiaaneq
Sisamanngorneq 7/5 nal. 17-22

Nittarsaassinerup ammaffii
Marlunngorneq 5/5 nal. 10-17

Pingasunngorneq 6/5 nal. 10-17

Sisamanngorneq 7/5 nal. 10-17

Saqqummersitsiviup sananeqarneranut atasumik teknikkikkut atortulersuutit najoqqutassallu paasissutissartaat tamarmik uaniipput.

Saqqummersitsivittut aaqqissuussaq

• Saqqummersitsivittut aaqqissuussaq: System Standex®: Cobra Expo
• Pladit uuttuutaat: B: 968 mm/ H: 2412 mm (Pladit uuttuutaat)
• Qaamarngup qinngornera: B: 956 mm/ H: 2398 mm (Issoqqaarissoq, naqitikkatut saqqummiunneqarsinnaasoq)

Saqqummersitsiviup iigai / saaguusat – qaqortut
Atortut: HDF (plade manngersoq)
Pladip issussusia: 4 mm

Sarg sinaakkutit / sinaakkutit (sanimut)
Atortut: Aluminium
Sarg sinaakkutit/sinaakkutit kigartugaasat: 0,8 cm
Portussuseq 5 cm / Silissuseq 1,6 cm

Napasut / sukkat (napparissut)
Atortut: Aluminium
Napasut / sukkat kigartugaasat: 0,8 cm
Ammallorissumi titarneq: 4,4 cm

Saqqummersitsivinni nivinngaaviit
Aaqqissuussisut allaffiannut saaffiginnittoqassaaq

• Nivinngaaviit: Sunut oqinnerusunut nivinngaaviit, iikkani aamma saaguusani qutsissumi ikkussuunneqassapput. Nivinngaaviit assigiinngitsumik takissusillit AKEQANNGITSUMIK atorneqarsinnaapput: 5 cm, 25 cm, 50 cm aamma 75 cm.  Taamaattoq nivinngaaviit utertinneqanngitsut ataaseq DKK 25 momsi ilanngunnagu akiligassanngortinneqassapput.
• Assiliaaqqanut ikkussiviit: Assiliaaqqanut allanullu oqitsunnguanut nivinngaaneq saqqummersitsiviup iigaanut qaqortumut imaluunniit saaguusat pladiannut: Ataaseq DKK 4 moms ilanngullugu. Nipittartunik allanik atortoqassappat taakkua peerneqassapput inikuat takuneqarsinnaanngitsoq/limitaa sinnikoqanngitsoq. Nipittartunik allanik atugaqarsimanerup kingorna takuneqarsinnaasunik saliinermut akiligassiisoqassaaq – minnerpaamik akunnermut DKK 690 momsi ilanngunnagu.
• Kikissat qinnerillu: Saqqummersitsiviup pladianut aamma assiliat allagartalinnut kikissat qinnerillu atoqqusaanngillat.

Saqqummersitsiviup pladitaa/assiliat allagartallit aserorsimappata ataatsit DKK 440 momsi ilanngunnagu.

Sananeqartup portussusia
AKKC ilisimatinneqassaaq akuersisuullunilu saqqummersitsivittut sananeqartut 250 cm. qaangerlugit portutigissappata.

Taamaaliortoqassaaq saqqummersitsisut allat eqqarsaatigalugit.

Natermut ikkussuineq
Aaqqissuussisut allaffianut saaffiginnittoqassaaq

• Tippit: Saqqummersitsiviit tunniunneqartut tamarmik tungujortumik tippeqarput. Nammineq tippimik ikkussuinermi aaqqissuussisut tippinut illugiimmik nipittartuutaat kisimi atorneqaqqusaavoq: Imusaq ataaseq DKK 300 momsi ilanngunnagu.
• Natermut flisit: Betonit flisit allallu assingusut timersortarfiup natianut toqqaannartumik ikkuteqqusaanngillat. Plastikkimik imaluunniit qalissiamik ninngusuumik ilisiveqassaaq.
• Suut oqimaatsut: Assersuutigalugu motori oqimaatsoq sallilikkanut imaluunniit qisunnut aserujaatsunut ilineqallaqunarput, ilisap oqimaassusianik agguataarisinnaasup qaavanut.

Saqqummersitsisoq natermik aseruissagaluarpat taanna akisussaatinneqassaaq.

Uaniippoq timersortarfiup assilineqarnera usinut eqqussuivik ilanngullugu.

Pappiaqqanik/quppersakkanik agguaassineq aamma saqqummersitsivimmi sammisat nalinginnaasut saqqummersitsivimmi pissapput imaluunniit saqqummersitsiviup silatinnguani.

Saqqummersitsivimmi nipiliutit assitaliussallu imaluunniit AV-mik atortut allat saqqummersitsivimmut saniliusumut imaluunniit saqqummersitsiviup silataanut 1 miiterimik ungasissuseqassapput aamma saqqummersitsivimmit 1 meterimik ungasissusilimmi nipit 70 db-mit (A) nipitunerussanngillat.

Pujuliortut assingusullu saqqummersitsisunut alakkaasunullu iluaalliortitsisinnaasut inerteqqutaapput.

Højtalerikkut nalunaarutit
Højtalerikkut nalunaarutit akornusersuisinnaasut pinngitsoortinniarlugit saqqummersitsivinnit ataasiakkaanit sammisat nalunaarutigineqartassanngillat.

AKKC-p nalunaarutissai killilimmik nalunaarutigineqartassapput.

Saqqummersitsisut containerinut eqqagassanut atoqquneqartunut igitsisassapput.

Eqqakkat sumut iginneqassanersut pillugit sullissisut aperisinnaavatit.

Eqqakkat saqqummersitsivimmi imaluunniit paarlerni qimaannarneqassanngillat.

Isumannaallisaanermik sulialinnit iliuuserineqaqquneqartut sutigut tamatigut malinneqassapput. Saqqummersitsisutut ilissi saqqummersitsivissatut pisiarisassi iluani sunik tigussaasunik ilisisinnaavusi.

Inneq ikumasoq: Naneruutinik allatulluunniit innermik ikumaannartumik atuisoqaqqusaanngilaq.

Pinnersaatit: Saqqummersitat annoraamerngit allallu ikuallassinnaasut (taakkununnga ilanngullugit naasuusat, orpiusat il.il.) pinnersaatitut atorneqartut aamma saqqummersitsivimmi allagartat ikuallannaveersagaassapput.

Toqqortaateqarneq: Saqqummersitsiviup tunua sunilluunniit toqqorterivittut ATORNEQASSAANNGILAQ. Blue Water assartuinermi poortuutit toqqorterivissaannut innersuussisinnaavoq  –  Attaveqarfissamut paasissutissat ‘Assartuussineq’ ataani takukkit.

Puiaasat gassimik imallit: Akuersissutit atsiukkat pissarsiarineqassapput:

Orsussaq: Ingerlatit tankiini orsussaq taamaallaat saqqummersitsiviup iluanukarnermut aneqqinnermullu naammattoq immiutigineqassaaq. Nittarsaassinerup nalaani ingerlatip sarfamut attavia akkumulatorimut atassutaarneqassaaq.. Biilit sarfamik ingerlatillit immikkut malittarisassaqarput.

Akuersissutit tamarmik AKKC-mit suliarineqassapput. Attaveqarfissaq Pia Germann, +45 9935 5514, pgk@akkc.dk

Aaqqissuussisut allaffianut saaffiginninnikkut.

• A4 qernertoq/qaqortoq = ataaseq DKK 2, moms ilanngullugu
• A4 qalipaatilik = ataaseq DKK 5 moms ilanngullugu

Killilimmik kopeerisinnaavugut/naqiterisinnaavugut Kopeerinerup saniatigut USB-nit imaluunniit mailinit naqiterisinnaavugut. Saaffiginninnermi mailadresse nalunaarutigineqassaaq.

Saqqummersitsiviit ataasiakkaat immikkut nakkutigineqarnerannik suliassaq aaqqissuussisunit isumagineqarsinnaanngilaq aamma aaqqissuussisut saqqummersinneqartunut qaqugumulluunniit akisussaatinneqarsinnaanngillat.

Tillinneqartut aaqqissuussisunut nalunaarutigineqassapput taamatullu ilissi nammineerlusi sillimmasiisarfissinnut. Qujanartumik qaqutigorsuaq tillinniarnernik aqqusaagaqartarpugut.

Suliffeqarfiit arlallit saqqummersitsisunut saaffiginnittarput nittartakkatigut nittarsaatini paasissutissiiviinni ussassaarinerit imaluunniit peqataasut allattorsimaffiinik tuniniaanermut tunngasunik.  Saaffiginnissutit tamakkua amerlanertigut mail imaluunniit allakkat aqqutigisarpaat aamma pisortatigoortunik nassiussatut isikkoqakkajuttarput.

Ilisimasassat pingaarutillit:
AKKC suliffeqarfinnik tamakkuninnga suleqateqanngilaq, aamma attavissat paasissutissartaannik imaluunniit peqataasussat allattorsimaffiannik tunniussineq ajorpoq.

Peqquserlunniat amerlanertigut akit saqquminngitsut isumaqatigiissuteqarnermilu atugassarititaasut erseqqinngitsut atortarpaat.

Saqqummersitsisut arlallit mianersuaalliorlutik isumaqatigiissutinik atsiugaqarsimasarput kingorna ikiuunnernut tunngaviatigut naleqanngitsut pillugit aningaasarpassuarnik akileeqquneqartarlutik (20.000 kr.-it pallillugit).

Saaffiginnissutit ilaanni ukiorpaaluit ingerlasarput akileeqqusissutinik uteqqiasunik imallit, kisianni piumasaqaatit malitseqartinneqarnerinik takusaqarneq ajorpugut.

Uagut siunnersuutivut:
Neqeroorutit taamaattut takunngitsuusaarsigik, sumilluunniit atsiornasi.

Maluginiarsiuk:
Saqqummersitsinermi atugassarititaasut nalinginnaasut naapertorlugit,  nittarsaassinermi pisortatigoortumik suleqataasut ilissinnut saaffiginnissinnaanerat inerteqqutaanngimmat.

Taakkua 2026-mi nittarsaassinermi aggersumi tassaapput: Blue Water Shipping aamma FiskerForum.