Nittarsaassineq sooq alakkassaviuk?
ArcticExpomut alakkaaguit sumiiffimmi ataatsimi aalisarneq, piniarneq nutaaliornerlu pillugit atortunit aaqqiissutissanillu nutaaliaanerpaanik saqqummiussiffigineqassaatit. Nittarsaassinermi workshoppit saqqummiussisullu aqqutigalugit ilisimasanik nutaajunerpaanik aamma pissarsiaqarsinnaavutit.
Uani Kalaallit Nunaannit, Danmark, Savalimmiut aamma Islandimit saqqummersitsisut 50-init amerlanerit, imaanit pisanit tigusisussamik tunniussinermut atortunik aaqqiissutinillu nutaajunerpaanik sunik tamanik saqqummersitsissapput. Qassutinit, aalisaatinit umiatsiaaqqaniillu ilisimasatsinnit atortunut elektroniskiusunut katitigaasunut, kiisalu angallatit mikinerit anginerillu motoorii ilanngullugit takussaassapput.
Pisiniartarfimmik tuniniaasumilluunniit nutaamik ujaasivit imaluunniit toqqarlugit isigalugit naapitaqarusuppit? Tuniniaavimmi ineriartornermut malinnaarusuppit aamma tunisassiat, teknologiit kiffartuussinerillu nutaat paasisaqarfigerusuppigit? Neqeroorutinik pitsaasunik pissarserusuppit iluanaaruteqarlutillu niuerusuppit? Arlaannik pissuteqarluni ArcticExpo nittarsaassinermut alakkaaneq ilinnut aaqqiissutissanik, isumassarsianik ilisimasanillu nutaanik pissarsiffiussaaq.
Saqqummersitsivinni tunisassianik sullissinernillu saqqummiussinerit saniatigut illit alakkaasutut ilisimasanik isumassarsianillu nutaanik pissarsisinnaavutit saqqummiussinerit ataatsimiinnerillu ullutsinnut suliassaqarfimmullu naleqquttut aqqutigalugit. Matumani ineriartorneq nutaaq pillugu ilisimasatit nutarterneqassapput aamma immikkut ilisimasalinnik politikerinillu oqaloqateqarsinnaavutit.
